मुम्बई, अषाढ १४ - अभिनेता अमिताभ बच्चनले बुहारी गर्भवती भएको खबर चुहाएको केही दिनपछि बल्ल ऐश्वर्याले त्यसलाई स्वीकार गरेकी छन् ।नीला आँखावाली अभिनेत्रीले सोमबार टि्वटरमा विश्वभरका फ्यानहरूलाई परिवारकै सदस्य भनी सम्बोधन गर्दै लेखेकी छन्, 'तपाईंहरू सबैलाई धेरैधेरै धन्यवाद अनि यहाँहरूले हामी र हाम्रो... प्रति देखाएको माया, प्रार्थना, शुभेच्छा र आशीर्वादका लागि पनि ।' आफ्नै टि्वटर अकाउन्ट नभएकी अभिनेत्रीले पति अभिषेकको टि्वटरमा -अभिषेकले ऐशले आफैं टि्वटेको लगत्तै खुलाएका छन्) उक्त खुसी टि्वटर हुनेवाला सन्तानलाई 'हाम्रो' भनेर खाली छोडिदिएकी छन् ।

'र यो महत्त्वपूर्ण घडी हाम्रो जीवनमा बिस्तारै अघि बढिरहेको छ, तपाईंहरूको शुभेच्छाले वास्तवमै खुसी दिएको छ,' सम्भवतः आउँदो नोभेम्बरमा आमा बन्न लागेकी उनले थपेकी छन्, 'भगवान्ले आशीर्वाद दिऊन् । धन्यवाद, धन्यवाद र धन्यवाद ।'

मधुर भण्डारकर निर्देशित 'हिरोइन' को सुटिङमा व्यस्त ऐशलाई यति बेला अर्को पनि खुसी थपिएको छ । पूर्व विश्वसुन्दरी समेत रहेकी ऐशलाई बलिउडकी पुरानी 'डि्रम गर्ल' हेमा मालिनीले आफ्ना लागि भने ऐश नै 'डि्रम गर्ल' रहेको टिप्पणी गरेकी छन् । 'बुढ्ढा होगा तेरा बाप' को प्रमोसनमा व्यस्त ६२ वषर्ीया हेमाले अहिले कुन नायिका डि्रम गर्ल उपाधिलायक होलिन् भन्ने प्रश्नको जवाफमा भनेकी छन्, 'अहिलेका सबै नायिका त्योभन्दा माथि छन् । उनीहरूको व्यक्तित्व डि्रम गर्लको भन्दा उच्च छ ।' सबै 'डि्रम गर्ल' को लायक भए पनि उनी आफैंले भने यसको उपाधि ऐशलाई नै दिन चाहेको बताइन् । 'ऐशले मलाई यो महत्त्वपूर्ण अवार्डको गरिमा यतिका वर्षसम्म जोगाइदिएकामा करोडौं रकम चुकाउनुपर्नेछ,' उनले ठट्टा गरिन् ।